Pranatacara sarasehan budaya

Pranatacara sarasehan budaya mawi irah-irahan

“ndhedhah piwulang serat wedhatama”

Sugeng dalu,

Nuwun,

Dhumateng Bapak pangarsa Jurusan Pendidikan Bahasa Daerah ingkang dahat kinurmatan,

Bapak Ibu dosen Pendidikan Bahasa Daerahingkang kinurmatan,

Para kadang mahasiswa ingkang tansah minulya.

Sakderenipun acara menika kawiwitan, sumangga kula lan panjenengan ngaturaken raos puji syukur dhumateng Gusti ingkang maka kwaos ingkang sampun paring kasarasan sahengga kula lan panjenengan saged kempal wonten adicara saresehan budaya mawi irah-irahan “ndhedhah piwulang serat wedhatama” kanthi wilujeng.

Kula minangka pranatacara, ngaturaken kasugengan awit rawuh panjenengan sami.

Para lenggah ingkang minulya, keparenga kula ngaturakenreroncening adicara, adicara ing dalu menika rinacik mekaten:

1.      Pambuka,

2.      Pambagyaraharja saking pangarsa babadan,

3.      Pambagyaharja saking Bapak pangarsa Jurusan Pendidikan Bahasa Daerah,

4.      Nyekar sekar macapat serat wedhatama saking mahasiswa,

5.      Ndedhah wos piwulang serat wedhatama ingkang sampun dipunsekaraken,

6.      Panutup.

mekaten reroncening adicara ing dalu menika, menggah adicara ingkang kaping setunggal inggih menika pambuka.Adicara dipunbikak kaliyan dedonga miturut kapitadosan piyambak piyambak. Sumangga.

Maturnuwun,

Adicara ingkang kaping kalih inggih menika pambagyaharja sakingpangarsa babadan. Dhumateng sedherek Wahyu, kula sumanggaaken.

Matur nuwun kangge pangarsa babadaningkang sampun paring pambagyaharja.

Adicara ingkang kaping tiga inggih menika pambagyaharja sakingBapak pangarsa Jurusan Pendidikan Bahasa Daerah. Dhumateng Bapak Suwardi, kula sumanggaaken.

Matur nuwun Bapak Suwardi ingkang sampun paring pambagyaharja.

Saklajengipun, adicara ingkang angka sekawan inggih menika nyekar sekar macapat serat wedhatama saking mahasiswa.kasuwun para mahasiswa majeng saking wiwit saking kelas A, B, lajeng kelas G. Mangga.

Matur nuwun kadang mahasiswa ingkang sampun nyekar sekar macapat serat wedhatama.

Adicara ingkang angka gangsal inggih menikandedhah wos piwulang  serat wedhatama ingkang sampun dipunsekaraken. Dhumateng Bapak Mulyana kepareng mandeganing adicara menika. Mangga.

Matur nuwun Bapak Mulyana ingkang sampun mandeganing adicara ndhedhah serat wedhatama.

Adicara ingkang angka  enem inggih menika panututup. Sumangga adicara ing siyang menika dipunpungkasi kanthi dedonga miturut kapitadosan piyambak piyambak. Sumangga.

Para lenggah ingkang minulya, adicara angka setunggal dumugi gangsal sampun kalampahan. Wasana mbokbilih anggen kula matur kathah lepat kula nyuwun agunging samodra pangaksami.

Sugeng dalu.