pranatacara adicara sedekah bumi

Sugeng enjing,

Nuwun,

Dhumateng bapak Yanto minangka lurah dhusun kedungwringin ingkang dahat kinurmatan,

Para sesepuh pinesepuh ingkang kinurmatan,

Bapak saha ibu ingkang tansah minulya.

Sakderenipun acara menika kawiwitan, sumangga kula lan panjenengan ngaturaken raos puji syukur dhumateng Gusti ingkang maka kwaos ingkang sampun paring kasarasan sahengga kula lan panjenengan saged kempal wonten pawiwahan sedekah bumi kanthi wilujeng.

Kula minangka pranatacara, ngaturaken kasugengan awit rawuh panjenengan sami.

Para lenggah ingkang minulya, keparenga kula ngaturaken reroncening adicara, adicara ing sonten menika rinacik mekaten:

1.      Pambuka

2.      Pambagya raharja saking lurah dhusun kedungwringin

3.      Pitutur sesepuh babagan sedekah bumi

4.      Do’a sesarengan

5.      Ngubur sesajen

6.      Dhahar sesarengan

7.      Panutup.

mekaten reroncening adicara ing enjing menika, menggah adicara ingkang kaping setunggal inggih menika pambuka.

Adicara dipunbikak kaliyan dedonga miturut kapitadosan piyambak piyambak. Sumangga.

Adicara ingkang kaping kalih inggih menika sambutan saking lurah dhusun kedungwringin. Dhumateng bapak Yanto, kula sumanggaken.

Matur nuwun bapak Yanto ingkang sampun paring sambutan.

Saklajengipun, adicara ingkang angka tiga inggih menika pitutur sesepuh babagan sedekah bumi. Dhumateng bapak Arja minangka sesepuh ing dhusun kedungwringin, kula sumangaken.

Matur nuwun bapak Arja ingkang sampun paring pitutur dhumateng kula lan panjenengan sedaya, mugi-mugi saged paring manfangatipun.

Adicara ingkang angka sekawan inggih menika do’a sesarengan. Dhumateng bapak Samsu, kula sumanggaken.

Matur nuwun bapak Samsu ingkang sampun mandeganing do’a sesarengan.

Adicara ingkang angka gangsal inggih menika ngubur sesajen. Dhumateng bapak Arja kepareng mandeganing adicara ngubur sesajen.

Adicara ingkang angka eneminggih menika dhahar sesarengan. Sumangga.

Adicara ingkang angka  enem inggih menika panututup. Sumangga adicara ing siyang menika dipunpungkasi kanthi dedonga miturut kapitadosan piyambak piyambak. Sumangga.

Para lenggah ingkang minulya, adicara angka setunggal dumugi gangsal sampun kalampahan. Wasana mbokbilih anggen kula matur kathah lepat kula nyuwun agunging samodra pangaksami.

Sugeng siyang.