Atur Pambagya Saking Kaluwarga Panandhang



Atur Pambagya Saking Kaluwarga Panandhang

Assalamualaikum wr .wb
Sejatosipun kula lan panjenengan punika kagunganipun allah, kula lan panjenengan badhe wangsul.
Para rawuh kakung miwah purti ingkang dahat kinurmatan.
Wonten papan palenggahan punika kula minangka sesulih sariranipun bapahk santo sakkulawarga ingkang nandhang belesungkawa, tinilar ibu siti, pisah saklami-laminipun, sowan dateng ngarsanipun gusti ingkang maha kuwaos. Pramila inggih kawontenan saha bebeganipun penggalih, bapak santo mboten saged matur piyambak wonten ngarsa panjenengan sami.

Lumantar kula, bapak santo sakaluwarga ngaturaken panuwun awit saking rawuh panjenengan sami, minangkacihnaning raos belasungkawa. Saklajengipun bapak santo ngaturaken pangaksami mbok bilih mboten saged ngancani lan mangayubagya rawuh panjenengan kanthi saktrepipun.
Para takziah, atur uninga, ibu siti kaparingan yuswa 70 tahun, nilar garwa 1, putra 5, saha wayah 3. Jenazah badhe dipun sarekaken wonten mekam dusun kuningan, mbok bilih mboten wonten pambegan, kasuwun keparenga tindak nglarapaken jenazah dumugi papan pungkasan.
Mbok bilih nalika sugengipun ibu siti wonten lepat kalian panjenengan, kasuwun pring pangapunten sakiklasipun penggalih. Mbok bilih ibu siti wonten pirembagan menapa kemawon ingkang derenga karempungan, mangke kasuwun dipunrampungaken dening ahli warisipun.
Dhumateng sanak sedherek, tangga tepalih, lan para wiranem ingkang sampun paring pambiyantu awujud dana, bau, lan iguh pamrayogi, saestu sampun ngentheng-enthengi bapak santo sakaluwarga.
Pramila mboten wonten sanes ingkang saged katur, kajawi namung agungingg panuwun ingkang tanpa pepindhan,  mugi-mugi kasaenan panjenengan saged katampi dening allah saha pikantuk ganjaranipun.
Ing pungkasan, mbok bilih wonten leat anggen kulamatur, kula nyuwun agunging pangaksami.
Wassalamualaikum wr.wb

Comments

Post a Comment

Popular posts from this blog

pranatacara adicara sedekah bumi

Sugeng enjing, Nuwun, Dhumateng bapak Yanto minangka lurah dhusun kedungwringin ingkang dahat kinurmatan, Para sesepuh pinesepuh ingkang kinurmatan, Bapak saha ibu ingkang tansah minulya. Sakderenipun acara menika kawiwitan, sumangga kula lan panjenengan ngaturaken raos puji syukur dhumateng Gusti ingkang maka kwaos ingkang sampun paring kasarasan sahengga kula lan panjenengan saged kempal wonten pawiwahan sedekah bumi kanthi wilujeng. Kula minangka pranatacara, ngaturaken kasugengan awit rawuh panjenengan sami.
Read more

Pranatacara sarasehan budaya

Pranatacara sarasehan budaya mawi irah-irahan “ndhedhah piwulang serat wedhatama” Sugeng dalu, Nuwun, Dhumateng Bapak pangarsa Jurusan Pendidikan Bahasa Daerah ingkang dahat kinurmatan, Bapak Ibu dosen Pendidikan Bahasa Daerahingkang kinurmatan, Para kadang mahasiswa ingkang tansah minulya. Sakderenipun acara menika kawiwitan, sumangga kula lan panjenengan ngaturaken raos puji syukur dhumateng Gusti ingkang maka kwaos ingkang sampun paring kasarasan sahengga kula lan panjenengan saged kempal wonten adicara saresehan budaya mawi irah-irahan “ndhedhah piwulang serat wedhatama” kanthi wilujeng.
Read more

Rumah Tradisional

Image
                                                Rumah Tradisional Jawa                                  Gambar kapethik saking: http://www.panoramio.com/photo/88354429 Rumah merupakan kebutuhan pokok manusia setelah pangan dan sandang. didalam perkembangannya rumah tidak hanya merupakan sarana untuk berteduh dari hujan dan teriknya matahari, yang berarti hanya sekedar memenuhi fungsi teknis, namung sudah berkembang dengan mempertimbangkan fungsi estetis dan filosofis. dengan demikian pemghuni rumah akan merasakan aman,dan terpenuhi rasa seni dan kebutuhan spiritualnya. pengaruh lebih lanj...
Read more