atur pambagyaraharja

Nuwun,

Para pinisepuh miwah sesepuh ingkang kinabekten, sarta para tamu ingkang sutresna. Awit saking mudhi dhawuhipun Bapak-Ibu.... keparenga kula matur wonten ngarsa panjenengan.

Sumangga kula dhekaken tansah mangku puja kanthi pamuji syukur mring pangeran Gusti kang maha asih sampun kepareng paring karahmatan satemah ing wanci menika kanthi kebagaswarasan kula miwah panjenengan kempal manunggal ing papan menika.

Saklajengipun sampun sawetawis panjenengan lenggah, kula ngaturaken pambagya kawilujengan sugeng rawuh. Panjenengan sampun kasdu rawuh saperlu paring pangestu hangestreni adicarasrah-srahan saha paningset.

Awit saking menika, kula ngaturaken agunging panuwun, sukaning manah kula tanpa pepindhan, dupi panjenengan kersa minangkani panyuwun kula ingkang sampun sinerat ing serat sedhahan utawa kintaka ulem.

Kwuningana bilih adicara menika minangka rerangken adat tatacara Jawi, bilih anak kula nini....sampun kalamar ing wanci kepungkur.

Dene inng wanci menika keparenga Bapak-Ibu...badhe ningseti anak kula. Kula tansah amuji bilih kreteg tekad bebesanan saged kalajengaken ngantos ing titi wanci dhaup palakrama.

Awit saking menika kula sakulawarga tansah nyuwun puji pandhonga paduka para tamu amrih sesambetanipun anak kula nini....kaliyan nakmas bagus...saged tetep lestari dumugi ing mangsa kala palakrama.

Bok menawi anggeh kula ngancani rawuh padika para tamu wonten kiranging tatakrama miwah subasita, kula sakulawarga nyuwun agunging pangaksama.

Kalamun para kadang kaneman, samangke ngaturaken pasugatan unjukan, nyamikan, sar ta dhaharan. Kersa para tamu dhahar kanthi mardikaning penggalih.

Panyuwun kula, mugi para tamu sakeca lelenggahan ngantos paripurnaning adicara. Bok menawi wonten atur miwah solah bawa kula ingkang kirang mranani ing penggalih, sedhah siti boga binuntel roning klapa, apuranta yen wonten lepat kawula.

Nuwun.