cerkak

Ngepek yo Upaya

Ngepek iku istilah ingkang populer wonten kalangan pelajar. Miturut salah sawijining pelajar, ngepek iku dalan trobosan, enek sing nganggep ugi kewajiban ono ing wektu ulangan (tes,ujian). Mmm.... kira-kira kuwi bener ora yo???

Ulangan Fisiska, iku ulangan sing paling diseneni Andi. Wah....pokoke aja ditekoni, mesti wis gawe mumet dhisik.

Nah kuwi sing enek nang pikirane Andi. Aja-aja ulangan, pelajarane wae wis gawe ngantuk, mumet, lan malah karepe Andi pelajaran Fisika kuwi aja dienekke nang dunya iki.

Nanging, mbok saksebel-sebele marang pelajaran Fisika, Andi tetep pengin entuk nilai sing apik lan aja nganti ngulangi meneh. Akhire, yo golek cara apa wae ben iso entuk nilai sing apik. Sing jelas kuwi ora mungkin jaluk soal bocoran menyang Ani. Ani iku kanca sekelas sing paling pinter lan anak guru Fisikane kuwi. Siji-sijine cara yo mung ngepek kuwi.

“eh...Andi, kowe kan iso sinau, Fisika iku gampang lho” omongane Beni.

“gampang omonganmu” jawabe Andi. “engko pokoke ewangi aku yo?”

“duuh....aku ora janji, ku wedi konangan” Jawabe Beni terus mlaku ngadohi Andi.

Akhire, Andi nulis rumus-rumus Fisika nang kertas kepekane. Enek sing sengaja ditulis soal lan jawabane kanthi pepak. Dadi Andi siap meh maju perang, hehehe maju ulangan maksude.

Dinten menika ulangan, soal ulangan di bagi dening Pak Guru.

Alon-alon soal di waca Andi “mugo-mugo kepekanku ana sing metu” banjur rampung maca soal.

 “asik kepekanku ana sing metu, mmm...... tapi nang ngendi aku nyimpenne......” saking akehe kepekan sing di gawa Andi, dadi lali nyimpen nang sebelah ngendi. Andi tingak-tinguk ndelok kaanan sing aman karo krusak-krusuk golek kepekan sing pas karo soal ulangan Fisika iku.

“nah iki ketemu” karo mbatin Andi ngomong.

Wonten ulangan Fisika iku kadingaren Pak Guru mboten mlampah-mlampah ngecek siswa siswinipun nggarap ulangan ananging Pak Guru namung lenggah wonten kursi guru ing ngajeng.

Karo deg-degan Andi bukak kepekan alon-alon. Sak wise dibukak Andi tambah seneng jalaran kepekane iku padha karo soal ulangan iku mung diganti angka-angkane, wis pokoke cara garap soale padha banget karo soal sing wis tau di jelaske Pak Guru wonten minggu kepungkur.

“Mesti garapanku bener kabeh terus bijiku satus” mbatin Andi karo mesam-mesem.

Kanthi gumedhe ati Andi numpuk jawaban ulangan Fisika dhisik dhewe, eh ujug-ujug kepekane ana sing tiba siji.

“kresek” unine kepekan tiba. Terus andi mandeg “Aduh piye iki” mbatine Andi, rasane wis ora karuan....deg-degan......koyone peredaran darah nang awake mandeg.....awake dadi lemes banget......langsung metu kringet adem.....pokoke wis ora bisa mlaku meneh. Wis ora tanggung-tanggung tibane nang jejere Ani meneh.

Ujug-ujug kertas kepekan iku dijupuk Ani.

“yo wis mati....mati....mati.....aku” mbatine Andi.

Ani nglebokake kertas kepekan iku nang sak rokke banjur numpuk jawaban ulangan Fisika menyang meja guru. Andi dadi bingung terus nusul ngumpulake jawaban ulangan ugi menyang meja guru lan nututi ani metu saka kelas.

Ana ing jaba kelas Ani wis nunggoni Andi metu.

“oh... dadi kowe entuk nilai apik......terus, mesthi metu dhisik dhewe nek ulangan kuwi jalaran gawa kepekan?” omonge Ani rada nesu.

“iya.... jenenge yo usaha” jawabe Andi.

Ani bukak kepekan Andi. “wah.... iki kembar karo soal ulangane mung beda angkane tok....paling kowe entuk biji satus lah” omonge Ani meneh.

Andi ora iso ngomong apa-apa namung iso mesem kisinan dhewe.

“mmm..... ngene wae.....kowe lali yo.....sekolah iku sing penting dudu bijine sing katulis ana kertas nanging ilmune kuwi. Nek pengin entuk biji apik, yo entuk dunia tok. Nanging nek nyinauni ilmune, kowe iso mulang marang wong liya lan iso manfangati uripmu sesuk. Dunya entuk, pahala yo entuk.” Omongane Ani.

“Terus kowe meh lapor?” Andi tekon Ani.

            “ora” jawabe Ani.

“nah... ora?” Andi bingung.

“yo....nanging enek syarate” jawabe Ani.

“apa?” Andi tekon meneh.

“kowe kudu gelem sinau Fisika karo aku. Ngko tak wenehi ngerti kepriye carane sinau Fisika sing gampang dingerteni.”Ani nawani.

“wis, iku tok?. Meh kapan?” Andi tekon.

“iya, engko sore menyang omahku, piye?” Jawabe Ani.

“iyo” Andi jawab.

Nah sorene Andi menyang omahe Ani. Ani menehi ngerti cara sing gampang dingerteni nyinauni Fisika. Lan Andi sitik-sitik dadi ngerti babagan pelajaran Fisika. Banjur Andi dadi seneng pelajan Fisika, nggarap soal-soal Fisika lan tugas-tugas Fisika dhewe. Saking sinau bareng kuwi Andi lan Ani dadi cerak.....nek ditekoni  pacaran apa ora, jawabe Andi mung mesam-mesem. Dipikirke dhewe wae yo. ^_^

Sepisan ngapusi bakal ngapusi saklawase nanging kabecikan siji wae bakal iso ngilangke sewunan perkara ingkang ala.

Becik ketitik, ala ketara.